Monday, July 15, 2013
හෙද නිලධාරීන්ගේ සංගමය සංකේත වර්ජනයකට සූදානම්
ඒමන්ති මාරඹේ
හෙද සේවා ඉල්ලීම් 6 ක්‌ මුල්කර ගනිමින් තම සංගමය මෙම මස 17 වැනිදා (බදාදා) පැය 24 ක දීප ව්‍යාප්ත සංකේත වැඩවර්ජනයක නිරත වන බව රජයේ හෙද නිලධාරීන්ගේ සංගමය පවසයි.
සුදුසුකම් සම්පූර්ණ කර ඇති නවදහසක්‌ පමණ වන හෙද නිලධාරීන්ට ශ්‍රේණිගත උසස්‌වීම් ලබා නොදීම, හෙද උපාධිය ලැබූවන් වසර දෙකක්‌ මුළුල්ලේ රාජ්‍ය හෙද සේවාවට බඳවා නොගැනීම වැටුප් විෂමතා නිවැරැදි නොකිරීම ඇතුළු හෙද සේවා ඉල්ලීම් 6 ක්‌ මුල් කරගෙන මෙම වර්ජනය ක්‍රියාත්මක කරන බව සංගමය කියයි.
මෙම සේවා ගැටලු සම්බන්ධයෙන් ජුනි 20 දා සෞඛ්‍ය අමාත්‍යාංශ බලධාරීන් සමග පැවැත්වූ සාකච්ඡාවලදී එකඟ වූ කරුණු ක්‍රියාත්මක කරන්නට කටයුතු නොකිරීම බලවත් ගැටලුවක්‌ බව හෙද නිලධාරීන්ගේ සංගමය අවධාරණය කර සිටී.
Subscribe to:
Post Comments (Atom)
No comments:
Post a Comment